Охидын дуртай барби хүүхэлдэйг амьдралаас хэт тасархай, хэтэрхий гоёсгоор хийдэг нь хүүхдүүдэд буруу үлгэр дуурайл үзүүлж, тэднийг өөрсдийгөө голоход хүргэдэг гэсэн шүүмжлэл байдаг. Амьдрал дээр барби шиг гоолиг нарийхан, үзэсгэлэн төгөлдөр охид бүсгүйчүүд тун ховор байдаг учир тэднийг илүү амьдралтай, жирийн охид шиг бие галбиртайгаар хийх хэрэгтэй ч гэж эцэг эхчүүд хэлдэг. Тэгвэл барбиг амьдралд ойртуулж бидэнтэй өдөрт тутам тааралдах, жирийн охид шиг биетэйгээр хийвэл ийм харагдах гэнэ.

Гэхдээ үүнийг барбиг үйлдвэрлэдэг “Маттел” компани хийгээгүй бөгөөд нэгэн уран бүтээлч тус компанид санаа өгөх зорилгоор гараараа хийсэн ажээ. Николай Ламм хэмээх тэрхүү уран бүтээлч 19 настай охидын биеийн дундаж хэмжээ, харьцааг судалж байгаад энэхүү хүүхэлдэйг хийжээ. Жинхэнэ барби хүүхэлдэйний биеийн харьцаа 36-18-33 гэж байдаг бол энэ хүүхэлдэйнийх 32-31-33 гэсэн харьцаатай аж.

Ер нь, эмэйгтэйчүүдийн дундаж нурууны өндөр 96 см, бэлхүүс нь 86 см, өгзөг нь 100 гаруй  см байдаг. Гэтэл барби хүүхэлдэйний биеийн харьцаа нь хэрвээ тэр амьд хүн байсан хэмээн үзвэл 49 кг буюу биеийн өндөртөө хэтэрхий бага жинтэй буюу бараг анорексиа өвчний эхний шинж тэмдэг ч гэж үзэж болохоор байдаг.