Өнөөдөр “Facebook”  гэхээр  мэдэхгүй хүн байхгүй. Харин одоогоос дөрвөн жилийн тэртээ буюу 2009 онд Orkut, Hi5, Maktoob, Friendster, Tuenti, Draugiem гээд олон арван яг адил үйлчилгээ үзүүлдэг олон нийтийн сүлжээ байлаа. Харин “Facebook” үнэхээр мундаг бодлого явуулсны хүчинд 2011 оноос эхлэн байдал эрс өөрчлөгдсөн. Олон нийтийн сүлжээ гэсэн салбарт “Facebook” тасархай давамгайлан дэлхийг байлдан дагуулсан гэвэл нэг их хэтрүүлэг болохгүй байх. Дээр нэр дурдагдсан олон нийтийн сүлжээг одоо санадаг хүн байна уу? Энэ бол байлдан дагуулалт хэр далайцтай явагдсаны шинж тэмдэг.

Одоогийн байдлаар “Facebook”-ийн өрсөлдөгчид улсынхаа дотор л эсэргүүцэж чадаж байгаа болохоос дэлхийн хэмжээнд өрсөлдөх чадваргүй хэвээр байна. Жишээлэхэд, Японд (Mixi), Хятадад (Qzone), Орост (ВКонтакте), Бразил ба Энэтхэгт (Orkut).

Шинжээчдийн үзэж байгаагаар “Facebook”ийн ойрын зорилго нь Орос, Хятадыг байлдан дагуулах. Энэ хоёр улсын үндэсний олон нийтийн сүлжээг “будаа” болгох.
Үүнд харин энэ хоёр улсын интернэт бизнес эрхлэгчид хэр эсэргүүцэл үзүүлэх вэ гэдэг өөр асуудал. Ямартай ч эрхэм танд дэлхийн хэмжээнд олон нийтийн ямар сүлжээ, ямаршуу хэмжээний газар нутгийг байлдан дагуулаад байгааг сонирхуулъя.