Өнгөрсөн онд Темза мөрний усан дээгүүр алхаж, олныг гайхашруулж байсан Английн илбэчин Динамо Их Британийн бэлгэ тэмдэг болсон хоёр давхар улаан автобусыг ердөө нэг гараараа түшиж байгаад агаарт хий тогтсон бас нэгэн сонирхолтой үзүүлбэр үзүүллээ. Жинхэнэ нэрийг нь Стивен Фрэйн хэмээх 30 настай илбэчин залуу чухам юун дээр тогтож нь байгаа нь үл мэдэгдэх ч агаарт баттай зогсож, нэг хөлөө өргөж үзүүлж байсныг автобусанд суусан зорчигчид болон ойр хавьд явсан бүх хүн харжээ. Тэрээр ингэж  агаарт зогсоогоороо Вестминстрийн гүүрийг туулсан бөгөөд энэ үзүүлбэрийн үеэр цагдаагийнхан замыг чөлөөтэй байлгаж тусалжээ.