Ардчилсан, эрх чөлөөт нийгэмд амьдарч байгаа нь монголчуудын нэгэн бахархал. Гэвч нийгмийг тольдон үзүүлэх ёстой урлагт дарамт байсаар л байна. Үүний нэг жишээ нь, “Усны гудамж” киноны нэгэн дүр болох Төрийн соёрхолт, Гавьяат жүжигчин Ц.Төмөрбаатарын тоглож буй Эрдэнийн дүрийг зарим телевизийнхэн хас гэсэн санал гаргажээ. Хэрэв энэ дүрийг хасахгүй бол цаашид тус киног гаргахгүй гэжээ. “Усны гудамж” нэртэй кино нь Монголын кино урлагт нэгэн шинэчлэл хийж “шууд драм” хэмээх төрлийг оруулж ирэн хэрэгжүүлж буй. Зураг авалтыг нь дор бүрт нь хийгээд орой бүр телевизүүдээр гаргаж байгаа тус киног хэрэв гаргахгүйд хүрвэл уран бүтээлчдийн ажил нурах гэнэ. Тийм учраас Эрдэнэ бол зүгээр л нийгэмд амьдарч байгаа хүмүүсийн бодит төлөөлөл, болохгүй бүтэхгүй зүйлд шүүмжлэлтэй ханддаг нэгэн. Гэтэл ийм уран сайхны дүрийг хүндээр тусгаж аван хавчих хэрэггүй гэж киноны уран бүтээлчдийн зүгээс мэдэгдсэн юм. 
