Загварын ертөнцийн акулуудын нэг Карл Лагерфилд болдогсон бол хайртай мууртайгаа гэрлэхийг хүсдэг гэнэ. “Chanel” –ын алдарт дизайнер хоёр настай Чопетте муурандаа дэндүү их хайртай гэдгээрээ загварын ертөнцөд алдартай. Нэрт загвар зохион бүтээгчийн хайртай муур болсныхоо ачаар Чопотте Парис дахь тансаг харшид нь зөвхөн өөрт нь зориулсан хоёр асрагчаар халамжлуулан өдрийг өнгөрөөнө. Карл муураа яг л хааны гүнж шиг эрхлүүлдэг бөгөөд муурандаа iPad хүртэл авч өгч, Твиттер нээж, өөрөө өмнөөс нь жиргэдэг байна.  Аль хэдийнэ 27 мянган дагагчтай болсон Чопотте заримдаа “Ааваа надад амттан өгөөч” гэж жиргэдэг гэнэ.

 Эзнийхээ хайр халамжийг харамгүй хүртдэг Чопотте өдөрт хоёр удаа усанд орж, байнга маникур хийлгэдэг  К.Лагерфилд загварын ертөнц дэх нэр нөлөөгөө ашиглан муураа цөөнгүй реклам сурталчилгаанд тоглуулж, модель болгоод авчээ. Тэрээр муураа жил гаруйн өмнө нэгэн найзындаа харснаас хойш “дурласан” гэж ярьдаг бөгөөд эзнээс нь гуйж авснаас хойш тэд огтхон ч салаагүй гэж ярих дуртай. “Хүн, амьтан хоорондоо гэрлэж болдоггүй нь харамсалтай. Би амьтныг ингэтлээ хайрлана гэж огтхон ч бодож байсангүй” гэж К. Лагерфилд саяхан “Harpers Bazaar” сэтгүүлд ярилцага өгөхдөө хэлжээ.

Өдгөө 77 настай алдарт дизайнер этгээд хачин зан, үйлдлээрээ олныг байнга гайхашруулдаг нэгэн.