Гадаад харилцааны яамны уулзвараас Замын цагдаагийн газрын уулзвар хүртэлх 1.1 км авто замын зорчих хэсгийн хучилтын ажил дууслаа. Хэвтээ тэмдэглэгээний ажил өчигдөр эхэлсэн бөгөөд өнөөдөр замыг бүрэн нээлээ. Олимпын гудамжны засвар хоёр өдрийн дараа дуусах байсан ч “Экспресс зам” компани ийнхүү хугацаанаас өмнө хүлээлгэн өгч байна. Одоогийн байдлаар Олимпын гудамжнаас гадна дөрвөн хэсэгт зам хаалттай байгаа юм. Чулуун-Овооны тойргоос Амгалангийн троллейбусны эцсийн буудал хүрэх 1.8 км замыг урсгалаар нь хэсэгчилж хаасан. Хучилтын ажил зургадугаар сарын 1-ний өдөр хүртэл хийх аж.
Зүүн салааны хуучин эцсээс шинэ эцэс хүртэлх хоёр км замыг тавдугаар сарын 25-ны өглөө нээх төлөвлөгөөтэй байгаа. Хасбаатарын гудамж буюу гуравдугаар хорооллын Ахуйн үйлчилгээний уулзвараас хойш 460 метр авто замыг мөн 25-ны өдөр нээх аж. Сэлбийн хос гүүрний хойд талын хөдөлгөөнийг долдугаар сарын 9-ний өдөр хүртэл хааж, гүүрийн барилгын ажил хийхээр болсон байна. Барилгын ажлыг “Мотор сервис” компани гүйцэтгэж байгаа юм.