Алсдаа Улаан нүдэн гариги дээр очиж амьдарна гэсэн канад хүний тоо 35 хүрчээ. Ер нь дэлхийн 120 орчим орноос нийтдээ 80 мянга орчим хүн сайн дураараа шинэхэн харь гариг дээр очиж амьдрахаар голландын Mars One компанийн сайтад бүртгүүлсэн байна.  Тус компани Улаан нүдэн гаригийг эзлэх хүмүүсийг гурван долоо хоногийн өмнөөс бүртгэж эхэлсэн юм. Анхны дөрвөн зочин буцах тасалбаргүйгээр 2023 онд ниснэ гэж оросын ИТАР-ТАСС агентлаг үүний өмнө мэдээлсэн юм. Үүний дараанаас роботууд илгээж орон байр барих бололтой. Тэгээд л хоёр жил тутам эндээс хүмүүсийг зөөсөн хөлгүүд явж эхэлнэ гэж байгаа гэнэ.