Каннын кино наадмыг шүүхээр жүжигчин Николь Кидман Францын Канн хотод ирээд байна. Кино наадам албан ёсоор хараахан эхлээгүй ч шүүгчдийг угтан авах ёслол фестивалийн улаан хивсний ёслолоос дутахгүй сүрлэг болж байгаа аж. Энэ удаагийн Каннын кино наадмын ахлах шүүгчээр домогт найруулагч Стивен Спилберг ажиллах ажээ. Каннын 66 дахь наадмыг дэлгэцэнд гараад удаагүй байгаа “Агуу Гэтсби” киногоор нээх юм байна.