Ерөнхийлөгчийн зарилгаар  жил бүрийн 5,10 дугаар сарын хоёр дахь долоо хоногийн бямба гарагийг бүх нийтээр мод тарих үндэсний өдөр болгон зарласан  билээ.  2010 оноос хойш дөрөвдэх жилдээ зохион байгуулагдаж байгаа энэхүү өдрийн хүрээнд маргааш  УИХ, Засгийн Газрын гишүүд Нийслэлийн ИТХ-ын төлөөлөгчид, нийслэлийн удирдлагууд  Үндэсний цэцэрлэгт хүрээлэнд мод тарих юм байна. Мөн энэ үеэр сайн дураараа мод тарих иргэд аж ахуйн нэгжүүдийн үйл ажиллагааг дэмжин Нийслэлийн төвийн зургаан дүүргийн цэцэрлэгт хүрээлэн, гудамж талбайд мод тариулж, дүүрэг бүрт мод суулгацын үзэсгэлэн худалдааг зохион байгуулахаар төлөвлөөд байна.  Түүнчлэн мод тарих мэрэгжлийн зөвлөгөө өгөх сайн дурын идвэхитэн “ногоон элч”-үүд дүүрэг бүрт ажиллаж мод тарих, ургуулах тухай мэргэжлийн зөвлөгөө мэдээлэл өгөх юм байна. Нийслэлийн Байгаль орчин ногоон хөгжлийн газраас мэдээлснээр нийслэлийн харъяа 47 агентлагийн мод тарих үйл ажиллагааг нэгтгэн зохион байгуулж зарим байгууллагууд Сонгинохайрхан дүүргийн Өлзийт хороолол орчим, Ногоон хэрэм төслийн зурваст мод тарих, гэр хороололд амьдардаг ажилтны хашаанд мод тарих зэргээр оролцоно гэдгээ мэдэгджээ.