Өнгөрсөн 4-р сарын эхээр яруу найргийн шилдэг шүлгийн түүврээ гаргасан Монголын Зохиолчдын Эвлэлийн шагналт, яруу найрагч Д.Ган-Очир “Үүлсийн галбир” нэртэй номоо худалдаанд гаргажээ. Тэгвэл үүний дараа Никитон хамтлагийн ахлагч УГЗ Б.Батчулуун “Үүлэн үст” нэртэй цомгийнхоо нээлтийг сүр дуулиантай “I Loft”-д нээснээ зарласан даруйдаа олны талархлыг хүлээлээ. Энэхүү хоёр бүтээлийг хэвлэл мэдээллийхэн 1 сард хоёулаа “Үүл”-ээр эхэлсэн нэртэйгээр гаргасанд ихэд сонирхон хоёр уран бүтээлчийг үгсэн нэр өгсөн юм шиг тайлбарлаж байна. Гэвч яруу найрагч Д.Ган-Очир, дуучин Б.Батчулуун нар энэ талаар ямар ч мэдээлэл хийгээгүй бөгөөд хоёр талд тохиолдлоор таарсан нь хүмүүст сонин санагджээ. Ямартай ч сүүлийн 5 жилд Улаанбаатар хотын Номын их дэлгүүрүүдээр яруу найргийн түүвэр ном хамгийн их зарагдснаас гадна, яруу найрагчийн Facebook-ээр дамжуулж худалдаалагдсан явдал нь Д.Ган-Очирын урмыг ихээхэн сэргээжээ. Тэгвэл “Үүлэн үст” цомог 55,000 үнэтэй хэдий ч мөн л CD shop, 1950 лавлах утасны захиалгаар ихээхэн борлогдож байгаа гэнэ. Тэгэхээр Монголчууд сайн уран бүтээлийн төлөө үнэ өртөг хамаагүй, таашаалдаа нийцсэн бүтээлийг худалдан авдаг болсон нь үүгээр харагдаж байна. Нэр нэгтэй нэг үеийн уран бүтээлч болох яруу найрагч Д.Ган-Очир, дуучин УГЗ Б.Батчулуун нар энэ цагийн Монголын урлагт нэгэнт брэнд болсны тод илрэл энэ буюу. Хоёр уран бүтээлчдээ цаашдынх нь уран бүтээлд амжилт хүсье
Б.Дөл