Хэнтий аймагт гал түймрийн улмаас хоёр хүн нас барчээ. Мөн их хэмжээний га газар шатсан байна. Энэ түймрийг унтраасан эсэхийг Хэнтий аймгийн ОБХ-ийн дарга, хурандаа Ч.Батжаргалаас тодрууллаа.
-Хэнтий аймгийн Бэрх тосгон орчим түймэр гарч хүний амь нас эрсэдсэн гэсэн мэдээлэл байна. Энэ талаар тодорхой мэдээлэл өгөөч?
-Бэрхэд биш, Хэрлэн суманд гарсан түймэр байгаа юм. Түймрийн улмаас хоёр хүн нас барсан.
-Нас барсан хүмүүсийн хувьд хүүхдүүд байсан юм уу?
-Үгүй ээ. Настай хүмүүс байсан. Нэг нь 75-тай, нөгөө нь 50 гарсан хүн байсан.
-Түймрийг бүрэн унтраасан уу. Хэдий хэмжээний га талбай шатсан бол. Хохирлын хэмжээг тогтоосон уу?
-Хааш, хаашаа 10 км талбай шатсан. Түймрийг өчигдөр өглөө 05 цагийн орчимд бүрэн унтраасан. Хохирлын хэмжээг эцэслэн тогтоогоогүй байна.
-Галын шалтгааныг тогтоосон уу?
-Тамхи татаж байгаад л гал алдсан юм билээ.
