Дандарбаатарын гудамж буюу Офицеруудын ордны аюулгүйн тойргоос хойш Цайз захын уулзвар хүртэлх 0.9 км авто замын шинэчлэлтийн ажлын хүрээнд замын хөдөлгөөнийг өнөөдөр 23 цагаас эхлэн долоо хоногийн хугацаанд бүрэн хязгаарлахаар болжээ. Нийслэлийн төсвийн хөрөнгө оруулалтаар хэрэгжүүлж буй энэхүү зам барилгын ажлыг "Наранбулаг Хан" ХХК гүйцэтгэж байна. Долоо хоногийн турш хаалттай байх уг зам Баянзүрх дүүргийн 16, 22 дугаар хороодын нутаг дэвсгэрт харъяалагддаг юм байна.