Улсын хилээр хар тамхи, мансууруулах бодис оруулж ирэхийг завдсан тухай манай сайт өмнө нь мэдээллэж байсан билээ. Тэгвэл өнгөрсөн сарын 23-нд Хонгконг улсаас Монгол Улсын иргэн Б-гийн оруулж ирсэн 4138379  дугаар бүхий чингэлэгтэй бараанаас улсын хилээр нэвтрүүлэхийг завдсан хар тамхины төрлийн мансууруулах бодис нь Лабораторын нарийвчилсан дүнгээр тухайн бодис нь Сэтгэц нөлөөт бодисын тухай НҮБ-ийн 1971 оны конвенц, Улсын хилээр нэвтэрүүлэхийг хориглосон барааны тухай Засгийн газрын 54-р тогтоолын хавсралтад заагдсан сэтгэц нөлөөт бодист хамаарах Гашиш /HASHISH/ болох нь тогтоогдсон байна.

Гаалийн ажилтан тухайн чингэлэгийн эзэн Б-ээс “...Таны чингэлэгт улсын хилээр нэвтрүүлэхийг хориглосон бараа байгаа юу? гэж тодруулахад “...тийм зүйл огт байхгүй...” гэж хариулсан боловч шалгалтаар тухайн чингэлэгт ачигдсан тээврийн хэрэгсэлийн бүхээг дотор нийт 66 гр үл мэдэгдэх таблетка хэлбэрт оруулсан, хурц тод үнэр бүхий бор өнгийн бодис илрүүлсэн байна.
Гаалийн улсын байцаагч нар тус бодисыг урьдчилсан байдлаар богино хугацаанд анхан шатны хариу гаргах боломжтой тестэр ашиглан шалгахад мансууруулах бодис байж болзошгүй өнгөний хувирал өгч байсан тул Гаалийн төв лабораторын шинжилгээгээр нягтлан шалгуулсан нь энэ аж. Уг хэргийг цагдаагийн байгууллага эрүү үүсгэн шалгаж эхэлжээ.