Өөрийгөө Болдбаатар хэмээн танилцуулах 30 орчим насны энэ залуу Стандартчилал, хэмжил зүйн газрын нэрийг барин шалгалтаар явж байна гэж иргэд аж ахуйн нэгжийг хуурч байгаа аж. Тэрээр цахилгааны болон усны тоолуурын баталгаажуулалтыг шалгаж байна, тоолуурыг чинь үнэгүй сольж өгнө гэж айл өрх аж ахуйн нэгжийг хуурч мэхлэн мөнгө авч 89995007 гэсэн дугаар үлдээн явж байна гэх гомдол Стандарчлал хэмжил зүйн газарт ирэх болжээ. Иймд ард иргэд, аж ахуйн нэгж байгууллагууд сэрэмжтэй байхыг анхааруулж, хэрэв ийм тохиолдолд холбогдох ажилтны бичиг баримтыг нь шалгаж байхыг анхааруулж байна. Хэрэв ийм байдлаар хохирсон иргэд СХЗГ-ын 263792 утсаар болон дүүргийн цагдаагийн газарт мэдэгдэнэ үү.