Ардчилсан орнуудын хамтын нийгэмлэгийн сүүлийн хоёр жилийн турш Монгол Улс даргалж, долдугаар бага хурлаа зохион байгуулав. Хуралд 104 оны 1200 гаруй төлөөлөгч цуглаад байгаа юм. Тэгвэл яг энэ агшин МАХН-ынхан овжноор ашиглаж байна. Тэд АНХН-ийн бага хурал эхэлсэн өглөө жагсаал зохион байгуулж, МАХН-ын дарга Н.Энхбаярыг суллахыг шаардаж байсан бол хурлын төгсгөл болох өнөөдөр мөн СӨТ-ний гадна жагсаж эсэргүүцлээ илэрхийлж байгаа юм. Тэд эл хурлын үйл ажиллагааг эсэргүүцэж бус, энэ улсад ардчилал үгүй болсон гэдгийг гадаадын улс орны төлөөлөгч, сайд нарт мэдрүүлэхийг хүсч байгаа гэнэ. Тэрчлэн МАХН-ын дарга Н.Энхбаярыг суллахыг төрийн өндөрлөгүүдээс шаардаж байгаа юм.