Сэлэнгэ аймаг дахь Алтанбулаг боомтоор энэ сарын 11-нд Монгол Улсын иргэн О орж ирэхдээ хууль бусаар их хэмжээний тариа нэвтрүүлэхийг завджээ. Дээрх тариа нь Монгол Улсын эмийн жагсаалтад ороогүй Гамавит 10см3 улаан өнгийн шингэн тариа 314 ширхэгийг оруулж ирснийг гаалийн байцаагчид илрүүлсэн байна. Нийтдээ 1.3 сая төгрөгийн эд бараа байсан гэнэ. Энэхүү тариаг иргэн О нь биеийнхээ цээж, бэлхүүс, хөл гуяныхаа хэсэгт нуун далдалсан байсан байна.