ҮХААЯ-нд ирсэн мэдээллээр Булган аймгийн Булган, Дорнод аймгийн Халхгол, Сүхбаатар аймгийн Асгат, Түмэнцогт, Эрдэнэцагаан,Завхан аймгийн Баянтэс, Баянхайрхан, Нөмрөг, Отгон, Цэцэн-Уул, Сонгино, Тэс, Сэлэнгэ аймгийн Хушаат, Төв аймгийн Угтаалцайдам, Увс аймгийн Баруунтуруун, Малчин, Хяргас, Хөвсгөл аймгийн Цагаан-Үүр, Цэцэрлэг, Хэнтий амйгийн Өмнөдэлгэр суманд цасны зузаан 20-35, хунгарласан газраа 40-60 см болсон байна. Нийтдээ есөн аймгийн 21 суманд хаваржилт хүндрээд байгаа аж. Мөн Баян-Өлгий аймгийн Улаанхус сумын Даян баг, Булган аймгийн Хангал, Дорнод аймгийн Баяндун, Баянтүмэн, Булган, Чулуунхороот, Цагаан-Овоо, Завхан аймгийн Булнай, Түдэвтэй, Яруу, Өвөрхангай аймгийн Есөнзүйл, Өлзийт, Хужирт, Сэлэнгэ аймгийн Зүүнбүрэн, Түшиг, Хүдэр, Хушаат, Төв аймгийн Эрдэнэсант, Увс аймгийн Давст, Зүүнговь, Тэс, Хөвсгөл аймгийн Цагааннуур, Улаан-Уул, Эрдэнэбулган сумаар цасны зузаан 11-19, нягт нь 0.20-0.24 г/см3 хүрснээс есөн аймгийн 24 суманд хаваржилт хүндэвтэр байгаа аж.