Финляндын Nelonen телевизээр Их британид нас барсан оросын тэрбумтан Березовскинй тухай мэдээ дамжуулахдаа Белорусын ерөнхийлөгч Лукашенкогийн дүрсийг харуулчихсан байна. Хэдийгээр цаана нь Березовскийн тухай текст уншаад байсан ч үзэгчдэд бол белорусын улстөрч нас барчихсан юм шиг сэтгэгдэл төрүүлжээ. Их Британид оросын олигархи Борис Березовскийг өөрийнхөө харшид нас барсан байхыг нь долоо хоногийн өмнө олсон юм. Березовский 1990-ээд онд Тусгар улсуудын гүйцэтгэх нарийн бичгийн дарга байхаасаа Белорусын ерөнхийлөгч Лукашенкотой нягт харилцаатай байсан юм.