Өмнөд Солонгостой “дайны байдалд шилжлээ” гэсэн БНАСАУ-ын удирдлагын мэдэгдэлд АНУ нухацтай хандаж байна хэмээн АНУ-ын Үндэсний аюулгүй байдлын зөвлөлийн хэвлэлийн төлөөлөгч Кэйтлин Хейден өнгөрсөн шөнө мэдэгдсэн байна. “Бид Умард Солонгосын шинэ хариуцлагагүй мэдэгдлийг хүлээн авлаа. Бид энэ асуудалд нухацтай хандаж өмнөд Солонгосын хөрштэйгээ нягт холбоотой байж бүхий л дэмжлэгээ үргэлжлүүлэх болно” гэж Хейден мэдэгджээ. Тэр бас энэ аюул бол Пеньяны зүгээс хийдэг уламжлалт заналхийлэл гэсэн байна. Өнгөрсөн шөнө Умард Солонгосын Засгийн газар Өмнөд Солонгостой “дайны байдалд” шилжлээ гэж мэдэгдээд “Энэ цаг мөчөөс эхлээд хоёр орны хоорондох асуудлыг дайны үеийн хуулиар” шийдэх болно гэсэн юм. Эндээ бас манай пуужинт цэрэг байлдааны бүрэн бэлэн байдалд шилжиж, АНУ-д цохилт өгөхөд бэлэн байна гэсэн байна.
