Умард Солонгосын удирдагч Ким Чен Ун  старатегийн пуужингуудаа АНУ, Өмнөд Солонгосын чиглүүлж бэлэн байдалд оруулахыг тушаасан байна. Тэрээр өнгөрсөн шөнө Солонгосын ардын армийн Старатегийн пуужинт цэргийн удирдлагуудын яаралтай хуралдаан зарлаж хийлгэхдээ ингэж тушаажээ. “Тэр Солонгосын ардын армийн пуужинт цэргийг бэлэн байдалд оруулж, Номхон далай дахь Гуам, Хавайн аралд байгаа АНУ-ын цэргийн бааз, мөн Өмнөд Солонгост хэзээ ч цохилт өгөхөд бэлэн байхыг тушаалаа” гэж хэвлэлд бичжээ.
Өмнөд Солонгост болж байгаа АНУ, Солонгосын хээрийн хамтарсан сургуулийн хүрээнд өчигдөр АНУ-ын цэргийн нисэх хүчний хоёр бөмбөгдөгч Б-2 онгоц  Өмнөд Солонгосын нутагт анх удаа бөмбөг хаях сургууль хийсэн байна.  Өмнө нь энэ сургуульд Гуамын аралд байрлаж байгаа старатегийн бөмбөгдөгч Б-52 онгоц оролцож байсан юм.