Сирийн нийслэл Дамаскийн их сургуульд гал нээсний улмаас 15 хүний амь үрэгдэж, өөр бас 29 оюутны амь нас дээсэн дөрөөн дээр байна. Өнгөрсөн шөнө сирийн залуучууд гудамжинд гарч нийтээрээ “Алан хядлагын эсрэг” зогсоцгоосон байна. Мянга мянган хүн их сургуулийн архитектурын факультетийн хоолны газрын дэргэд цугларан лаа асаажээ. Сирийн оюутны холбоо “Алан хядагчид оюутнуудыг айлгахыг хүсч байгаа ч тэдний сурах эрмэлзлийг мохоож чадахгүй. Сургууль боловсролын байгууллагад бол зөвхөн хэл яриагаараа өрсөлдөх ёстой” хэмээн мэдэгдэл гаргажээ. Сирийн залуучууд үүний зэрэгцээ цэргийн албан хаагчидтай мөр зэрэгцэн эх орноо хамгаалахад бэлэн гэдгээ илэрхийлцгээсэн байна.

Үүнтэй зэрэгцээд өчигдөр Сирийн нийслэлд Үндэсний дуурийн театрын дэргэд, Омейядовын талбайд, Барада голын эрэг дээрх Үзэсгэлэнгийн цогцолборын тэнд миномётын бөмбөг дэлбэрсэн байна.