Хятадын Шанхайн дагуул хотод үл мэдэгдэх этгээд сургуульд хутга барин дайрч 11 хүнийг  шархдуулсан аймшигт хэрэг гарчээ. Хохирогч хүүхдүүдийн хамгийн бага нь 11 настай охин байсан байна. Сургуулиас гарч явсан хүүхдүүд рүү хутга барьж дайрсан этгээдийг хориглох гэсэн эцэг эх, дэргэдүүр нь өнгөрч явсан хүмүүс ч түүний золиос болсон байна. Гэхдээ хүмүүс Зан гэдэг тэр этгээдийг барьж цагдаагийнханд өгч чадсан гэнэ. Цагдаагийнхан түүний түр амьдарч байсан байранд үзлэг хийтэл түүний эгч, бас нэг хамаатных нь цогцос гарчээ. Гэрчүүдийн хэлж байгаагаар бол хэрэгтэн Зянсу мужаас Шанхайд ирээд тэднээсээ мөнгө гуйхад тэд нь өгөөгүй юм байна. Тэгэхээр нь тэр тэднийгээ хутгалж хөнөөгөөд ойролцоох сургууль руу гүйж ийм аймшигт хэрэг үйлджээ.
Сүүлийн үед сургууль, хүүхдийн байгууллага руу зэвсэглэн халдах явдал олон гарч, зөвхөн 2010 онд гэхэд л таван удаагийн ийм гэмт хэргийн улмаас 15 хүүхэд амь алдаж, 80 гаруй хүн бэртэж гэмтсэн байна.