Өнөө хүртэл Оросын нийслэлийн Улаан талбайд байсаар байгаа Лениний мавзолейн хүндэт харуул руу нэгэн эр халдаж биед нь гэмтэл учруулсан хэргээр баригджээ. Эрхүү мужийн Усть-Илимийн иргэн Артем Горбачёв халамцуудаа мавзолейн хүндэт харуулыг үг хэлээр доромжлон, нүүр лүү нь хэдэнтээ цохисоноос үүргээ гүйцэтгэж байсан дэслэгчийн уруул язарч, хамрын яс нь нь гэмтсэн байна.  Харуулын биед учирсан гэмтлийг шүүх эмнэлгээр дүгнэлт гаргуулж, халамцуу эрийг төрийн төлөөлөгчийн биед халдсан хэргээр эрүүгийн хэрэг үүсгэн шалгаж эхэлжээ.