Өмнөд Солонгосын тал Умардтай хиллэдэг газрууддаа нэлээд хэдэн цагаар байлдааны өндөржүүлсэн бэлэн байдал “Чиндоге-1” зарласан байна. Шөнө дунд Өмнөд Солонгосын нэг хилчин хилийн бүсэд хөдөлсөн үл мэдэгдэх биет рүү бүр гар бөмбөг  хаяжээ. Энэ хэрэг шөнийн 2,30 цагт Хвачхон тойргийн нутаг дахь хил дээр болжээ. Харин умардын талаас ямар нэгэн эсрэг үйлдэл гаргаагүй байна. “Чиндоге-1” гэдэг нь Умард Солонгосын талаас цэргийн  болон тусгай албадын ямар нэгэн халдлага болох үеэр зарладаг өндөржүүлсэн бэлэн байдал юм байна.

1950-1953 оны дайны дараа хоёр талын хооронд байгуулсан энхийн гэрээ, гал зогсоох хэлэлцээрээ цуцаллаа гэж Пеньян мэдэгдсэн бол, Өмнөд Солонгосын тал болохоор Пеньян өөр рүү нь пуужин харвавал Ким Чен Уны дэглэмийг устгана гээд байгаа юм.

Үүнээс гадна саяхан БНАСАУ гурав дахь удаагаа цөмийн зэвсэг туршсаны дагуу Япон энэ бүс рүү онгоц илгээж агаарт нь цацраг идэвхит бодис байгаа эсэхийг шинжилнэ гэж мэдэгдээд байгаа юм.