Их Британийн нийслэл Лондонгийн өмнөд дүүрэгт шатаж байгаа музей, номын сангийн түймрийг унтраахаар 15 нэгжийн 100 орчим гал сөнөөгч ажилласаар байна. Гал чухам юунаас болж гарсан шалтгааныг тогтоогоогүй, харин хэн нэгэн бэртэж түлэгдээгүй гэж байна. Энд ажиллаж байсан 30 хүнийг тэр дор нь нүүлгэн шилжүүлжээ. Дүүргийн зөвлөлийн албан үйлчилгээний газар, түүхийн музей, номын сан байрладаг уг барилгын дээд давхар хэдэн цагийн турш асч, ойр орчим нь утаанд автаад байгаа юм байна. Барилгын дээврийн нэг хэсэг шатаад байгаа ч зэргэлдээ байшингуудад гал авалцаагүй байна. Гал сөнөөгчдийн хамгийн гол ажил музейн үзмэрүүдийг бүтэн авч үлдэх болоод байна гэж албаны хүн хэлжээ.