БНХАУ-ын дарга Си Жимпиний ОХУ-д хийж байгаа албан ёсны айлчлалын хүрээнд төрийн тэргүүний гэргий, тэргүүн хатагтай Пэн Лиюань Оросын армийн дуу бүжгийн чуулгад зочилсон байна. Тэргүүн хатагтай ансамблийн албан байранд ирж, музейн үзмэрүүдийг нь сонирхон орос ардын болон цэргийн, мөн хятад дуу орсон хагас цагийн концерт үзжээ. Концертын төгсгөлд хатагтай Пэн Лиюань найралд дуучидтай хамт “Улаагана минь цэцэглэ” гэдэг дууг эхний бадгийг нь хятадаар, хоёр гурав дугаар бадгийг нь орос хэлээр дуулсан гэж тус чуулгын уран сайхны удирдагч Сонников ярьжээ.
Хатагтай Пэн Лиюань 18 наснаасаа Хятадын ардын чөлөөлөх армид алба хааж дуу бүжгийн чуулгад дуулж явсан өдгөө хошууч генерал цолтой юм.