ОХУ-ын Ерөнхийлөгч Владимир Путины хэвлэлийн нарийн бичгийн дарга Дмитрий Песков сая нас нөгчсөн олигархи Березовскийг ерөнхийлөгчид хандаж захидал бичиж уучлал гуйсан гэсэн байна. Песков “бараг хоёр сар орчмын өмнө дөө. Березовский ерөнхийлөгч Владимир Путинд хандаж захидал илгээн олон алдаа хийснээ дурдаад, энэ бүхнийг минь уучилж, эх орондоо эргэж очихыг минь зөвшөөрнө үү хэмээн гуйсан байсан” гэж телевизийн “россия-24” сувагт яриа өгөхдөө  мэдэгджээ. Тэр яриандаа “Березовскийн нас барсанд ерөнхийлөгч Путин ямар  байдлаар хандаж байгааг мэдэхгүй” гэжээ. Гэхдээ бас “Мэдээж хүн нас барсан тухай мэдээ дуулаад ямар байх билээ дээ. Нэг их таатай биш л байгаа байлгүй” гэж ерөнхийлөгчийн хэвлэлийн төлөөлөгч хэлсэн байна.