Украины нийслэл Киевт их хэмжэний цас орснос онц байдал зарлаад байна. Сардаа дунджаар 47 мм цас унадаг энэ газар ганцхан хоногийн дотор 50 мм хур тундас унаснаас хагас метрээс илүү гарсан цасан бүрхүүл тогтож бүх төрлийн тээврийн хэрэгсэл үндсэндээ зогссон байна.  Метроны буудлын орц, газар доогуурх гарц хонгил, эмнэлэг үйлчилгээний газрын орох замууд ч бас цасанд дарагдсанаас хот тохимжуулахын ажилтнуудад хүч нэмэгдүүлэн хагас мянга орчим цэргийн албан хаагчийг гаргасан байна. Замууд хаагдсанаас замд явж байсан тээврийн хэрэгсэл, зорчигчид тэндээ гацаж, унд хоолгүй хэдэн цагаар зогсч байна. Онцгой байдлын газарт ирж байгаа дуудлагын ихэнх нь ийм хүмүүсээс “Унд хоолгүйгээс хүүхэд багачууд зутарч байна. Шатахуунгүй боллоо” гэсэн дуудлага эзэлж байна. Тэдний олонхи нь зам дээр 8-12 цаг зогсоод байна.
Зам онгойлгох, хээр гацсан хүмүүст туслахаар цэргийн техникүүдийг хүртэл дайчилж байгаа юм байна. Өнөөдөр ч гэсэн цаг агаар нэг их сайжрахгүй гэж ус цаг уурынхан мэдэлж байгаа юм байна.