Пакистаны удирдагч асан, генерал Первез Мушарраф таван жил эх орноосоо хол байсны эцэст эргэн ирлээ. Тэрээр ирэх тавдугаар сард болох Ерөнхийлөгчийн сонгуульд оролцохоор ийнхүү эх орондоо ирж байгаа юм. Өнгөрсөн хугацаанд Лондонд нам гүмхэн амьдарсан түүнийг хэрэв Пакистанд ирвэл хоёр ч хүн амины хэргээр баривчлах тогтоол хүлээж байсан юм. Түүнийг баривчлах тогтоол одоо хүртэл хүчин төгөлдөр хэвээр байгаа ч батлан даалтад гарах боломж бий. Тийм ч учраас батлан даалтад гарах боломжтой хоёр долоо хоногийн хугацааг ашиглан Пакистанд ирж, улс төрийн карьераа сэргээх гэж байгаа бололтой.