Британийн дуучин Адель эх орноо орхиж, АНУ-д амьдарч магадгүй байгаа гэнэ. Түүнд нэгэн гоо сайхны брэндийн нүүр царай болох 10 сая ам.долларын гэрээ бүхий санал тавьсан учир Адель Лос Анжелос руу нүүх тухай бодолцож эхэлжээ. Аделийн нэр хүнд өсч, шоу биз дэх түүний эрэлт хэрэгцээ нэмэгдэх тусам барууны энтертайнмент ертөнцийн төв болсон Лос Анжелос руу байнга зорчих хэрэгцээ гарч байгаа юм. Тэрээр хэдхэн сарын өмнө Оскар,  Алтан бөмбөрцгийн шагнал гардуулах ёслолд оролцохоор Беверли Хиллст ирж, бараг гурван сар амьдарсан. Үүн шиг Аделийн ажил хэргийн хүрээ өргөжих тусам Америкт байх шаардлага гарч байгаа тул Лондонг түр орхих тухай бодох болсон гэнэ.