Эрэгтэй бага ангийн багш тун цөөхөн байдгийг та мэдэх үү. Тэгвэл эрэгтэй хүн бага ангийн багш болж, бяцхан сурагчдад хичээл заах нь ямар байдгийг мэдрүүлэх нэгэн өдөрлөг өнөөдөр Хан-Уул дүүргийн 18 дугаар сургуульд болох нь. “Бага боловсролд эрчүүдийн манлайлал” сэдвийн хүрээнд өдөрлөг зохион байгуулагдах юм байна. Эрэгтэй хүн бага ангийн багш хийх нь сурагчдад ямар давуу талыг олгодог юм, эсвэл аавыг нь орлодог уу, илүү олон эрэгтэйчүүд бага насны хүүхэдтэй ажиллах хэрэгтэй юү гэхчлэн эрчүүдэд ямар давуу тал, онцлог байдгийг ярилцах юм байна.