Поп хөгжмийн бүх цаг үеийн хамгийн алдартай хамтлагийн нэг АББА-гийн дуучин Агнета 62 насандаа шинэ цомог гаргажээ. Хамгийн сүүлд есөн жилийн өмнө тайзнаа дуулж байсан тэрээр удтал завсарласны эцэст дахин уран бүтээл хийхээр шийджээ. Тэрээр Бритни Спирс, Келли Кларксоны дууг зохиодог уран бүтээлчээс гурван ч шинэ дуу авч бичүүлсний зэрэгцээ Английн алдарт Гэри Барлоутой дуэт дуулжээ. 1982 онд АББА хамтлаг тарснаас хойш Стокгольмоос  баруун зүгт орших Экеро аралд нам гүмхэн амьдарч байсан тэрээр бүр Их Британийн үзэгчдийн өмнө дуулах төлөвлөгөөтэй ч байгаа гэнэ.  Агнетагийн хамгийн анхны сингл нь “When you really love someone” нэртэйгээр гарчээ.