АНУ-ын Филадельпи  хотноо манай гаригийн цэцэгсийн хамгийн том үзэсгэлэн ажиллаж байна. Хэдийгээр энэ үзэсгэлэн 180 дахь жилдээ уламжлал болон зохиогдож байгаа ч үүнийг сүүлийн жилүүдэд хамгийн том үзэсгэлэн гэж нэрлэж байна. Жил бүр энэ үзэсгэлэнд 300 мянга орчим хүн ирдэг бол энэ жил улам ч олон хүн ирнэ гэж тооцож байгаа юм.  Энэ жилийн үзэсгэлэнг Ихбританид зориулан “Brilliant” гэж нэрлэжээ. Дөрвөн га газарт хэдэн арван мянган цэцгээс гадна цэцгийн зохиомжоор британийн сүмүүд, алдарт “Биг Бен” цаг, Букингемийн ордон зэргийг урласан нь олны анхаарлыг татаж байна. Үзэсгэлэнг үзэхээр ирсэн хүмүүс цэцгийн гайхамшигтай танилцахын зэрэгцээ цэцгийн үр, суулгац, ваар сав, цэцэг ногоо тарих багаж хэрэгсэл зэргийг худалдан авах боломжтой юм байна.