Индонезийн Соло хотын амьтны хүрээлэнгийн Тори нэртэй 15 настай орангутанга-сармагчин тамхинаас гарах гэж байгаа гэнэ. Анх үзэгчид ирэх бүрийдээ түүнд  тамхи өгсөөр байгаад архаг тамхичин болгожээ. 10-аад жил тамхи татаж байгаа тэр янжуурыг хоёр хурууныхаа завсар хавчуулж, үнсийг нь газар хаях, утаагаа үлээх гээд хүний л хийдэг аяг жаягийг сурчээ. Тэгээд бас ингэж зургаа авхуулах тун дуртай гэнэ. Сүүлдээ тэрээр окурок түүж татах гээд байдаг болсон болохоор тамхинаас гаргахгүй бол болохгүй гэнэ.


Амьтны хүрээлэнгийнхэн түүнийг энэ дотроо байдаг жижигхэн арал дээр аваачиж “тусгаарлан” хүмүүсээс холдуулж тамхинаас гаргах гэнэ.


Үүнээс гадна амьтны хүрээлэнгийнхэн амьтдад тамхи өгөхийг болиулах гэж түмэн янзын арга хэрэглэж байгаа гэнэ. Ер нь хаа газрын амьтны хүрээлэнд амьтдад тамхи, зүй бус юм өгөх явдал их гардаг юм байна.