Австралийн тэрбумтан Клайв Палмер тэртээ 1912 онд анхны аяллаараа Атлантын далайд осолдсон алдарт Титаник хөлгийн яг ижил “Титаник-II”-ыг хийхээр амласан. Өмнөхийнхөө хуулбар энэ хөлгөөр 2016 онд аялахыг хүссэн хүн нэг сая долларын тасалбар авч Их британиас Америк хүртэл зорчиж болно гэж тэрээр зарлажээ.
Шинэ “Титаник  II” нь 270 метр урт, 40 тонн жинтэй, нийтдээ 850 өрөө тасалгаанд 2,6 мянган зорчигч тээвэрлэж чадах юм байна. Хөлгийн багт 900 хүн ажиллах нийт зорчигчдыг багтааж чадах аврах 18 завьтай юм байна.
Тэрбумтны үгээр гаднах хэмжээс, тохижилтоороо  бол энэ хөлөг 100 жилийн өмнө живсэн алдарт Титаникаас ялгагдах зүйлгүй гэнэ. Харин цаг үеэ дагаад агааржуулагч зэрэг орчин үеийн зарим тоноглол нэмэгдсэн гэнэ.

“Титаник II”-ын зорчигчид ХХ зууны эхэн үеийн хувцастай явах ёстой, хувцасны үнэ нь зорчих тасалбарын үнэд нь орж байгаа юм байна. Хөлөг яг л 100 жилийн өмнөх шигээ гурван ангиллын өрөө тасалгаатай, зорчигчид нь өөр хоорондоо харилцах аргагүй яг л анхны хөлөг шигээ юм байна.

Хөлгийг барихад хэдий зардал орж байгаа, тасалбаруудын жинхэнэ үнэ ямар байх зэргийг одоохондоо зарлаагүй байна. Анхны аяллаа Титаникийн замаар эхлээд цаашдаа Их британи, Америкийн хооронд зорчигч тээвэр эрхлэх гэнэ.