Хүн гэдэг аливаад өөрийн байр суурь, сэтгэл хөдлөлөөр ханддаг тус тусдаа нэг ертөнц  гэдгийг Францын домогт гэрэл зурагчин Робер Дуаногийн  авсан зургуудаас харж болно. Музейн ганцхан зургийг үзэж байгаа хэдхээн хүний зургаас л дээр хэлсэн хүмүүсийн янз янзын төрхийг олж харахын зэрэгцээ зурагчны ур чадвар, гярхай нүд, зургаа дарсан тэр агшин, авьяасыг мэдэрнэ.
Хүний сэтгэл хөдлөл, ялангуяа нэг зүйлийн талаарх төрх байдлыг Данийн алдарт зураач Херлуф Бидструп зурсан байдаг ч ийм агшныг гэрэл зурагт буулгах нь ёстой л гэрэл зурагчны авьяас, ур чадвар юм даа.