Оскарын шилдэг киногоор тодорсон “Арго”-г Ираны эсрэг кино хэмээн Тегеран дургүйцлээ илэрхийлжээ. “Энэ кинонд уран сайхны ямар ч шинж алга. Энэ талаас нь харвал үнэхээр сул кино. Бид дайснуудаасаа үүнээс өөрийг хүсээгүй юм” гэж Ираны Соёлын сайд Мохаммед Хосейн мэдэгдсэн байна. Жүжигчин Бен Аффлекийн найруулж, өөрөө гол дүрд нь тоглосон “Арго” кинонд Америкийн зургаан дипломат ажилтныг Тегеранаас аварч байгаа тухай өгүүлсэн юм.