Чехийн нийслэл Прагийн амьтны хүрээлэнгийн заан тугаллаж, эндэхийн ажилтнуудыг төдийгүй үзэгчдийг баярлуулжээ. Зааны тугал 78 кг жинтэй төрсөн байна. Эм заан төрсний дараагаа их догширч тугалаа ч алчихаж магадгүй байдаг ч энэ удаа гайгүй, бүх зүйл сайхан байна гэж  амьтны хүрээлэнгийн ажилтнууд ярьсан байна. Чехийн амьтны хүрээлэн бараг 80 жил шинэ заан төрөхийг хүлээсэн ч эцсийн эцэст Роттердамаас 26 настай Донна гэдэг жирэмсэн заан авснаар ийн хүсэл нь биелжээ. Гуравдугаар сарын 30-наас л хүмүүст үзүүлнэ гэсэн болохоор шинэхэн төрсөн зааныг үзэхсэн гэж үзэгчид тэсч ядан хүлээж байна.