Челябинскт болсон оддын борооноос болж бэртэж гэмтсэн, түлэгдсэн хүмүүсийг ОХУ-ын нийслэл Москва руу Онцгой байдлын онгоцоор зөөвөрлөн аваачсаар байна. ОХУ-ын ЭМЯ-ын хэвлэлийн албанаас мэдээлснээр бол Бүх оросын гамшгийн үед тусламж үзүүлэх  “Хамгаалалт” төвийн хоёр ч бригад ажиллаж байгаа юм байна. Бэртэж гэмтсэн хүмүүс хүнд байдалтай байгаа, бид хамгийн сүүлийн үеийн өндөр технологиор эмнэлгийн тусламж үзүүлж байна” гэж хэвлэлийн албанаас мэдээлжээ. ОХУ-ын ЭМЯ-ны мэдээгээр Челябинскт унасан сүүлт одны улмаас 1147 хүн ямар нэгэн гэмтэл авсны 259 нь хүүхэд байна. 51 хүнийг эмнэлэгт хүргэсний 13 нь хүүхэд байжээ.