Холливудын алдарт хос Брэд Питт, Анжелина Жоли нар Франц дахь эдлэнгийнхээ талбайд ургадаг усан үзмээр өөрсдийн нэрийн дарс гаргахаар болсон байна. Хос хоёр АНУ-ын дарс үйлдвэрлэгч Том Боувийн эзэмшдэг 1000 акр бүхий талбайтай эдлэн газрыг 2008 оноос хойш түрээслэн амьдарч байгаад 2012 онд худалдан авсан юм. Тэднийг энэхүү эдлэнг худалдан авах үед энд хуримаа хийхээр төлөвлөсөн учраас өөрсдийн өмч болгосон гэж хэвлэлүүд бичиж байсан ч тэдний гэр бүл илүү том зорилго тээж байсан нь одоо илэрхий боллоо. “Miraval” хэмээх нэрээр гарах дарсны шилэнд “Жоли-Питт ба Перрин” хэмээх шошго хадсан байх бөгөөд энэ зун цагаан, ирхэ жил улаан дарсаа худалдаанд гаргах юм.  Анжели Жоли, Брэд Питт хоёрын дарс үйлдвэрлэх болсон нь тэдний сонирхол хобби гэхээс илүү хэтийн төлөвийг харсан бизнес хэмээн тэдэнтэй хамтран ажиллаж буй дарс үйлдвэрлэгч Марк Перрин мэдэгджээ.