Хорвоог орхиод жилийн нүүр үзэж байгаа домогт дуучин Уитни Хьюстоны дөрвөн өөр баримлыг алдарт Мадам Тюссо музейнхэн дөрвөн өөр янзаар урлан бүтээжээ. Үүнээс өмнө Мадам Тюссо хэн нэг одын баримлыг ингэж нэг дор олон хувилбараар хийж байсан удаагүй. Алдарт дуучны баримлыг нээх ёслолд Хьюстоны гэр бүлийнхэн хүрэлцэн иржээ.
Уг дөрвөн баримал тус бүртээ Уитнигийн карьерын хамгийн онцлог үеүдийг илтгэн харуулж байгаа юм. Тухайлбал, 1991 оны “SuperBowl”-ын нээлт дээр төрийн дуулал дуулсан үе, 1988 онд алдарт хит “I Wanna Dance with Somebody” дууны клипэнд гардаг дүр төрх, мөн “Бие хамгаалагч” киноны дүр болон хамгийн сүүлийн цомгоо гаргасан үеийг харуулжээ.