Энэ жилийн Оскарын шагналд нэр дэвшсэн 160 гаруй уран бүтээлч нэгэн танхимд цугларч, хамтдаа үдийн зоог барилаа. Одоогоос 32 жилийн өмнөөс уламжлал болон тогтсон Оскарын үдийн зоогт тухайн жил нэр дэвшсэн бүхий л уран бүтээлчид уригддаг юм. Тэд хожим түүх болон үлдэх гэрэл зургаа хамтдаа татуулж, Оскарын шагналд нэр дэвшсэнийг баталгаажуулах сертификатаа гардан авдаг. Энэ удаагийн Оскарын наадамд эрэгтэй, эмэгтэй шилдэг дүрд нэр дэвшиж буй Энне Хатавэй, Наоми Ваттс, Жессика Жастейн, Женнифер Лоуренс, Хью Жэкмэн, Брэдли Күпер гээд А зэрэглэлийн Холливудын одод бүгд оролцжээ.