Манай гаригийн улс төр, нийгэм, соёлын зүтгэлтэн 103 алдарт хүнийг багтаасан “Дантегийн Тэнгэрлэг туульс хэлэлцүүлэг”  гэдэг энэ зургийг хятадын гурван зураач Дуду, Ли Теци болон Жан Ань нар 2006 онд бүтээсэн байна.  Зургаан метр урт, 2.6 метр өндөртэй энэ зураг дээр Чингис хаан, Сунь Ят Сен, Мао Зэдун, Сталин, Ленин, Че Гевар, Путин гээд улс төрийн зүтгэлтнүүдээс гадна Билл Гейтс Мерилин Монро, Майк Тайсон, Павел Корчагин хүртэл бий. Мөн египетийн пирамид, Хятадын цагаан хэрэм гээд ертөнцийн гайхамшгууд, хүн төрөлхтний бүтээсэн бүтээл, атомын бөмбөг, пянз тоглуулагч гээд зүйлсийг хүртэл дүрсэлжээ. Оросын зарим сайтад зургийг байрлуулахдаа хүн тус бүрийн зурган дээр дарахад wikipedia сайт руу нэвтэрч  тухайн хүний намтар түүх нь гарч ирдэг болгосон байна.  
Хэн хэн хаана юу хийж байгааг ол доо.