Энэ хорвоогийн хамгийн сайхан үнэр юу гэвэл нялх хүүхдийн үнэр гэж хэн хүнгүй хэлнэ дээ. Гэвч нялхаст ч бас үнэртэн хэрэгтэй гэж “Dolce & Gabbana” үзжээ. Тус брэндээс нярай хүүхдүүдэд зориулсан үнэртэй ус худалдаанд гаргасан байна. Гэхдээ онцлог нь уг үнэртэн нярай хүүхдийн төрөлхийн сайхан үнэртэй нь ойролцоо ажээ. Өөрөөр хэлбэл нярай хүүхдийн үнэрийг илүү идэвхжүүлнэ гэсэн үг.  
Нялхаст зориулсан үнэртнийг “Dolce & Gabbana”-гаас өмнө олон ч брэнд гаргаж байсан. Тухайлбал,  “Burberry” спирт агуулаагүй үнэртэн, “Bvlgary” эх хүүхэд хоёуланд нь зориулсан, “L’Occitane” мөн ээж хүүхдэд зориулсан гоо сайхны бүтээгдэхүүн гаргадаг.