Хэрвээ та ажигласан бол зарим тохиолдолд хүмүүс твит бичихдээ @ тэмдэгтийн өмнө цэг тавьсан байдаг бөгөөд энэ нь зүгээр нэг бичгийн алдаа биш юм. Хэрэглэгчдийн таймлайныг цэгцтэй болгохын тулд Твитер дурдсан твийтийн цацагдах хүрээг багасгасан юм. Жишээ нь @Хэрэглэгч1 хэн нэгэнд хандан “@Хэрэглэгч2” гэж эхэлсэн твийт бичсэн дохиолдолд уг твийт нь зөвхөн тухайн 2 хэрэглэгчийг зэрэг дагаж байгаа хэрэглэгчдэд л харагдах боломжтойг анхаар.
Энэ нь хэн нэгэнтэй хувийн чанартай харилцан яриа өрнүүлж байхдаа таныг дагадаг хэрэглэгчдийн таймлайныг хэрэггүй мэдээллээр урсгахгүй байх боломж юм. Харин та хэн нэгэнд хариу бичээгүй тэр хүний тухай ярьж байгаа тохиолдолд @хэрэглэгч гэж твийтээ эхлүүлдэг. Энэ тохиолдолд @хэрэглэгч гэж дурьдахын өмнө . тэмдэгт тавих хэрэгтэй. Ингэснээр твиттер таны твийтийг ямар нэгэн хариу твийт гэж үзэхгүй бөгөөд таны бүх дагагчдын таймлайнд харагдах болно.

Харин зарим хэрэглэгчид энэ шийдэлд сэтгэл хангалуун байдаггүй. Учир хүн бүр энэ аргыг мэдэхгүй учраас зарим хүмүүс үүнийг хайнга алдаа гэж үздэг. Хэрвээ та үүнтэй санал нэг байдаг бол хандсан хэрэглэгчийнхээ нэрний өмнө нэг үг оруулах нь бас нэгэн түгээмэл арга юм жишээ нь нэр дэвшигчдэд хандаж байгаа бол нам, ажил албаар нь тодорхойлон хандаж болно жишээ нь УИХ гэх мэт.
Тийм учраас олон нийтэд хандсан твийтээ @хэрэглэгч гэж эхлүүлэх нь тохиромжгүй бөгөөд @хэрэглэгч гэж эхэлсэн твийтээс .@хэрэлэгч гэсэн твийт нь retweet ийн тогоор 11 дахин илүү байдаг нь судалгаагаар тогтоогдсон болно.