Хятадын “Guangzhou Automobile Group” нь шинэ “E-Jet” машинаа олон нийтэд зарлалаа. Машиныг зөвхөн өөрийн боломж, технологи, дизайныг ашиглан боловсруулсан гэж мэдэгдэж байгаа ч гадаад байдал нь “Mercedes CLA”-тай дэндүү адилхан болсныг мэргэжилтнүүд онцлов. Энэ машин 60 морины хүчтэй, шатахуунаар ажилладаг мотортойгоос гадна 127 морины хүчтэй цахилгаан мотортой гибрид юм.  Ийм болохоор шатахууны хэмнэлт маш их аж. Зөвхөн цахилгаан хөдөлгүүрээрээ 100 км хүртэл зай туулах чадвартай бөгөөд бензин хөдөлгүүртэйгээ хавсарвал 600 км зам туулах аж. Ингэхдээ 100 км-т ердөө 1,9 литр бензин хэрэглэдэг. “E-Jet” нь цагт 160 км хүртэл хурдлах чадвартай.