Голландын телевизийн “Guinea Pigs” хэмээх шоуны хөтлөгч эфирээр дандаа хачин сонин туршилт хийдгээрээ алдартай. Деннис Сторм, Валериа Зено хэмээх хөтлөгч залуус сүүлчийн дугаараараа нэлээд эр зориг гаргаж, нэгэн “аймшигтай” туршилт хийжээ. Тэд хүний амсч мэдэрч болох хамгийн аймшигтай өвдөлтийг зохиомол аргаар мэдэрч үзэхээр шийдэж. Мэдээж тэр бол эх хүний үрээ төрүүлэхэд мэдэрдэг өвчин байх нь гарцаагүй. Эмэгтэй хүнийг амаржих гээд базалж байх үед хамаг үе мөч нь салж байгаа мэт яаж өвддөг болохыг мэдрэхээр залуус тусгай аппаратны туршилтад оржээ. Хэвлийдээ өвчин мэдрүүлэх электрод наасан хоёр залуу эхэндээ гижигдүүлсэн мэт инээж байснаа төд удалгүй орилж хашгирч эхэлжээ. Өвдсөндөө дэрнээсээ зуурч, амаа дарж, орноосоо босч явсан залуусын нэг нь бүр туршилт дуусахаас өмнө амьсгалын аппарат зүүж, бууж өгчээ. Хэрэв тэд жинхэнээсээ хүүхэд төрүүлсэн бол хоёр яс салж ч дийлэхээргүй, өмнө нь чадхийхээр байжээ. Амаржих үеэр эмэгтэйчүүд ямар их өвдөлтийг тэсч давж гардаг болохыг туршсан телевизийн нэвтрүүлэг өмнө нь Австралийн “Танд юу тустай вэ” шоугаар гарч байсан юм. Тус шоуны туршилтаар орсон доктор Эндрью Рокфорд хоёр цаг шахам үргэлжилсэн өвдөлтийн дараа яагаад эмэгтэйчүүд төрөх үедээ хараал хэлдгийг ойлголоо гэсэн байдаг.