Холливудын супер од Том Крузээс салснаасаа хойш гадаад төрхөндөө төдий л анхаарахаа больсон хэмээн шүүмжлүүлж байсан жүжигчин Кэти Холмес шинэ рекламанд тоглож, үзэсгэлэнтэй бүсгүй гэдгээ дахин харууллаа. Жирийн үед бол гэрээсээ ихэвчлэн нойтон, самнаагүй үстэй гарч ирдэг тэрээр “Alterna Haircare” хэмээх үс арчилгааны шинэ бүтээгдэхүүний рекламанд тогложээ. Дэлгэцийн бүтээл гэхээс илүүтэй Бродвейн театрт жүжиглэж буй Кэти Холмес стилист Жеанн Янгтай хамтран гаргадаг хувцас загварын “Holmes and Yang” товчооныхоо үйл ажиллагаа идэвхжүүлэн, шинэ загварын шоуг ирэх сард Нью-Йоркт хийхээр төлөвлөжээ.