Нийслэлийн захи­раг­чийн ажлын албанаас ирэх гуравдугаар сарын 1-нээс нөөцийн мах бор­луулахаар зэхжээ. Ингэхдээ нийслэлийн хэмжээнд 130 гаруй сүлжээ дэлгүүрээр борлуулж, хэрэглэгчдийн гарт хүргэх юм. Өмнө нь хэд, хэдэн компани мах бэлтгэлийн ажилд оролцдог байсан бол энэ жилийн хувьд есөн компани бэлтгэжээ. Тэгэхдээ “Жаст агро” компани хяналтын үүрэг гүйцэтгэх гэрээ байгуулсан. Ингэснээр хэрэглэгчийн гарт хадгалалтын горим баримталсан, шаардлага хангасан нөөцийн мах очих юм. Гэхдээ албаны хүний хэлснээр нөөцийн махыг худалдаанд гаргахдаа хү­мүүст хүртээмжтэй ху­ваа­рилах зорилгоор мах худалдан авах эрхийн бичиг олгох гэнэ. Харин эл бичгээ хороодоор дамжуулан олгох юм байна.