Сонирхлын зөрчлийн тухай хууль батлагдаж, Авилгатай тэмцэх тухай хууль шинэчлэгдсэнтэй холбогдуулан нийтийн албанд томилогдож байгаа хүн сонирхлын зөрчлийн мэдүүлэг өгөх үүрэгтэй. АТГ-ын хувьд энэ хууль хэрэгжсэнээс хойш  нийтийн албан хаагч 3010 хүний материалыг хянасан байна. Гэхдээ төрийн алба, нийтийн албанд томилж байгаа хүмүүсийн материалыг АТГ-т ирүүлэхгүйгээр томилж байгаа аж. Тиймээс АТГ-аас тухай бүр нь тухйан байгууллагад мэдэгдэж, шаардлага хүргүүлж байгаа ч зарим байгууллагууд үүнийг үл тоомсорложээ. Тухайлбал, ҮХААЯ, БХЯ, УЕП, Говьсүмбэр, Архангай аймгийн удирдлагууд АТГ-ын шаардлагыг үл тоожээ. Тиймээс энэ байгууллагуудын удирдлагууд Сонирхлын зөрчлийн тухай хуулийг хэрэгжүүлэхэд анхаарахгүй байна гэсэн дүгнэлтэд хүрсэн гэдгээ АТГ-ынхан хэлэв.